|
Ko Tauranga te awa
Ko Tuapo te marae
Ko Ngāti Kuri me Tamakaimoana ngā hapū
Ko Ngāi Tūhoe te iwi
Ko Mātaatua te waka
Ka hono ahau ki Tuapo marae i te taha o tōku māmā. Ko te whakatauki o taku marae ko ‘Toka tipua ko Tuapo te moenga o te Mihaia’.
Ki ōku whakaaro e pā ana tēnei whakatauki, ki a Rua Kēnana me tana mōhiotanga koia te ‘New Messiah’.
Ko ngā tohu e toru i whakamahia e au ko te mangopare, te koiri me te pākati.
Mangopare: he tohu mō te kaha engari ki au nei, he tohu mō taku marae. He kaha taku marae ki te whāngai i ngā manuhiri.
Koiri: he tohu tēnei mō te whakapapa engari ki au nei he tohu mō taku awa. Ka rere te awa pērā ki te whakapapa. Ka hono ngā kōawa ki te awa, ā, ka hono tōku whānau ki taku toto.
Pākati: he tohu mō te tīmatanga, engari ki au nei, he tohu mō taku tīpuna koroua a Rua Kenana, ā, ko Mihaia tōna ingoa. Koia te tohunga o tōku marae. I ngā rā o mua, he tino rongonui a Rua, ā, he tino pakari ia.
|
