Te Reo Rangatira

NZ Scholarship Te Reo Rangatira assessment specifications, resources and past exam materials

Tautuhinga Aromatawai Ā-Waho 2024

Download Te Hiranga Te Reo Rangatira [PDF, 179 KB]

Paerewa Paetae: 93009

Ingoa: Te Hiranga Te Reo Rangatira ki Aotearoa

Marautanga: Te Marautanga o Aotearoa

Wāhanga Ako: Te Reo Rangatira

Tukanga Aromatawai: Whakamātautau ā-Waho

Rā Aromatawai: Tūrei 19 o Noema, 2024

Te Wā: Toru Hāora

He Kōrero Whakamārama mō Te Hiranga Te Reo Rangatira

E toru haora te roa o tēnei whakamātautau ā-waho, ā, e rua ngā wāhanga e whakamahi ana i ngā pūkenga reo torohū, me ngā pūkenga reo whakaputa o te ākonga.

Ngā Rauemi

Kotahi anake te pukapuka mō tēnei whakamātautau ā-waho. Kei roto hoki i te pukapuka ēnei whakamārama e whai ake nei:

  • ngā tohutohu mō ngā wāhanga e rua
  • ngā mahi mō ia tūmahi
  • ngā whārangi e wātea ana mō te tuhinga roa
  • tētahi whārangi whakamahere whakaaro.

Te Takotoranga

Te Wāhanga Tuatahi: Te Pānui me te Tuhituhi

Ka whakaatu te ākonga i tōna tohungatanga ki te whakamahi i ōna pūkenga reo torohū (pānui), i ōna pūkenga reo whakaputa hoki (tuhinga roa) hei āta whakaō i ngā kaupapa huhua.

Te Tūmahi Tuatahi: He Pānui Aroā

  • E rua whārangi te roa o te pānuitanga.
  • He reo ā-iwi te momo, ā, he kaupapa e pā ana ki tētahi tikanga, he kaupapa rānei nō te ao Māori.

Te Tūmahi Tuarua: He Tuhinga

  • E rima rau kupu te roa o te tuhinga, ā, me tuhi ki te reo Māori anake.
  • He tuhinga whai take, he tuhinga tautohe, he tuhinga whakapakepake, he tuhinga whakawhere rānei.
  • Me tika te whakamahi i ngā tūāhuatanga o te reo ōkawa me te reo ōpaki.
  • Me tika te takoto o ngā kupu, me aro hoki ki ngā āhuatanga katoa o te wetereo.

Te Wāhanga Tuarua: Te Whakarongo me te Kōrero

Ka whakaatu anō te ākonga i tōna tohungatanga ki te whakamahi i ōna pūkenga reo torohū (whakarongo), i ōna pūkenga reo whakaputa hoki (kōrero) hei āta whakaō i ngā kaupapa huhua.

Te Tūmahi Tuatoru: He Mahi Whakarongo (He Pāohotanga)

  • Ka toru ngā pāohotanga o te kōrero hei whakarongo mā te ākonga.
  • He kōrero tautohe te hanga.
  • Ka tukuna te tekau mā rima meneti ki te ākonga ki te whakarāpopoto i te kōrero, ā, me kaha arohaehae, me tīpako hoki te ākonga i ngā whakatau me ngā ariā matua o ngā taha e rua.
  • Mā te kaiwhakahaere ngā pukapuka katoa e kohi.

Te Tūmahi Tuawhā: He Kōrero

  • He kōrero tene te hanga, ā, e rima meneti te roa o te whakaputa kōrero.
  • Ka haere te ākonga ki rūma ke ki te hopu i tōna reo ki te kōpae. Kāore hoki ia e āhei ki te hari pepa, ki te hari rauemi tautoko rānei ki roto i te rūma rā.
  • Mā te ākonga anō tētahi kaupapa e āta kōrero mā te kōtuitui i ōna mōhiotanga.
  • Ka hopu te kaiwhakahaere i te kōrero tene, ka waitohu ai te ākonga i tana kōpae.

Ngā taipitopito kōrero aromatawai whaitake

Digital External Assessment Submission Instructions for NZ Scholarship Languages 2023 [PDF, 470 KB]

Te Reo Rangatira Te Hiranga mahere aromatawai 2023

2023 mahere aromatawai [PDF, 310 KB]

Ngā rauemi o te karahipi Te Reo Rangatira

Te Reo Rangatira Te Hiranga pūrongo aromatawai

Te Hiranga pūrongo aromatawai [PDF, 126 KB]

Ngā paerewa mahi o te karahipi Te Reo Rangatira

Pānuitia ētahi atu kōrero [DOC, 855KB]

Te wātaka aromatawai

Te wātaka aromatawai o tēnei tau

Mō ētahi atu taipitopito kōrero, whakahoki kōrero mai rānei